Search

കാന്താരി മുളകു കൃഷി

കാന്താരി മുളക് (വിത്ത് മുതൽ വിളവ്  വരെ )    

     

                               പഴുത്തു ചുകന്ന നിറമായ കാന്താരി മുളകുകള്‍ ശേഖരിച്ച് ഒരു പേപ്പര്‍ കവറിലോ പത്രക്കടലാസിലോ നിരത്തുക. പത്രക്കടലാസിന്റെ ഒരുഭാഗംകൊണ്ട് മുളകു മൂടി അവയുടെ മുകളില്‍ നന്നായി അമര്‍ത്തി ഉരസുക. മുളകു കുരു (വിത്ത്)വും മാംസളഭാഗവും വെവ്വേറെയായി മാറി എന്ന് ഉറപ്പുവരുന്നതുവരെ ഉരസല്‍ തുടരണം. വിത്ത് (കുരു) ഒരു പാത്രത്തില്‍ ശേഖരിക്കുക. അതിലേക്ക് 60-70 ഡിഗ്രിവരെ ചൂടുള്ള വെള്ളം ഒഴിക്കുക. പതിനഞ്ചു മിനിറ്റ് വിത്ത് ചൂടുവെള്ളത്തില്‍ത്തന്നെ വയ്ക്കുക. തുടര്‍ന്ന് വിത്ത് കഴുകി മാംസളഭാഗങ്ങള്‍ ഒഴിവാക്കണം. വീണ്ടും ഒരുതവണ പച്ചവെള്ളത്തില്‍ക്കൂടി വിത്ത് കഴുകണം. വിത്ത് കഴുകുന്നതും കൈകൊണ്ട് തൊടുന്നതും ഒഴിവാക്കണം. ഗ്ലൗസ് ധരിച്ച ശേഷമാകണം വിത്ത് കഴുകുന്നത്. കഴുകി വൃത്തിയാക്കിയ വിത്ത് അല്‍പ്പം ചാരംചേര്‍ത്ത് ഇളക്കണം. തുടര്‍ന്ന് അവ തണലില്‍ ഉണങ്ങാന്‍ ഇടണം. രണ്ടോ മൂന്നോ ദിവസത്തെ ഉണക്കിനുശേഷം വിത്ത് വിതയ്ക്കാം. ഇതിനായി തടം തയ്യാറാക്കണം. മണല്‍, ചാണകപ്പൊടി, ചാരം എന്നിവ നന്നായി ചേര്‍ത്ത് ഇളക്കി വേണം തടം തയ്യാറാക്കാന്‍.തടങ്ങളില്‍ വിത്തുപാകി വളരെ നേരിയ രൂപത്തില്‍ മണ്ണ് വിതറണം.

 

വിത്തുപാകിക്കഴിഞ്ഞാല്‍ നയ്ക്കാന്‍ മറക്കരുത്. നയ്ക്കുമ്പോള്‍ വിത്ത് തടങ്ങളില്‍നിന്ന് തെറിച്ചു നീങ്ങാതിരിക്കാന്‍ ശ്രദ്ധിക്കണം. വിത്തു പാകി ആദ്യ രണ്ടു ദിവസങ്ങളിലും മൂന്നുമണിക്കൂര്‍ ഇടവിട്ട് വെള്ളം നയ്ക്കണം. അഞ്ചോ ആറോ ദിവസം കഴിയുമ്പോഴേക്കും വിത്ത് മുളയ്ക്കും. മുളച്ച് മൂന്നാം ഇല വന്നാല്‍ തൈ പറിച്ചുനടാം. വാണിജ്യാടിസ്ഥാനത്തില്‍ കാന്താരി മുളക് കൃഷിചെയ്യുമ്പോള്‍ 40 സെ. മീ. ഇടയകലത്തില്‍ വേണം തൈകള്‍ നടാന്‍. തൈ നടാനായി തയ്യാറാക്കുന്ന കുഴികളില്‍ തൈ ഒന്നിന് 500 ഗ്രാം ചാരം, ഒരുകിലോ ചാണകപ്പൊടി അല്ലെങ്കില്‍ 500 ഗ്രാം ആട്ടിന്‍വളം എന്നിവ ചേര്‍ക്കണം. വളര്‍ച്ച എത്തുന്നതുവരെ എല്ലാ ദിവസവും വെള്ളം നയ്ക്കുന്നതാണ് നല്ലത്.

 

പറിച്ചു നട്ട് മൂന്നാം മാസംമുതല്‍ കാന്താരി മുളക് പൂവിടും.

കടപ്പാട് കർഷകഭൂമി

© 2015 വൈദ്യശാല . All Rights Reserved. Designed By SHEIK MANAYIL